உவமானம் வேறு, உவமேயம் வேறு எனத்தோன்றா வண்ணம் உவமையின் தன்மையை உவமேயத்தில் ஏற்றயுரைத்தல் உருவக அணியாம்.
காமக் கடல்மன்னும் உண்டே அதுநீந்தும்
ஏமப் புணைமன்னும் இல்!
காமக் கடல்- இதில் உவமையெது உவமேயமெது எனத்தோன்றாவண்ணம் அமைந்தமையால் உருவக அணியாகும்.
காமக் கடும்புனல் நீந்திக் கரைகாணேன்
யாமத்தும் யானே உளேன்!
காமக் கடும்புனல் - இதில் உவமையெது உவமேயமெது எனத்தோன்றாவண்ணம் அமைந்தமையால் உருவக அணியாகும்.
காமக் கணிச்சி உடைக்கும் நிறையென்னும்
நாணுத்தாழ் வீழ்ந்த கதவு!
காமக் கணிச்சி - காமமாகிய கோடரி
இன்பவெள்ளம், கண்கயல், கைமலர், விழிவாள், பல்முத்தம், போன்றவையும் அப்படியே. உவமையெது உவமேயமெது எனத்தோன்றாமையால் உருவகமாயின.
இக்கிழமைக்கான ஈற்றடி:-
அகரம்.அமுதா
எங்குற்றாய் இத்தனைநாள் என்னசெய்தாய் என்னி்னன்பா!
பதிலளிநீக்குபொங்குமகிழ் வுன்பதிவைப் பார்த்தவுடன்- இங்கேநீ
ஈற்றடி தந்திலை ஏனோ குழப்பமென
சாற்றுக செய்தியினைச் சற்று.
நாட்கள் சிலவாக நான்ஆள் மடிக்கணினி
பதிலளிநீக்குஆட்கொண்ட நோயால் ஆவதியுற -மீட்டதனை
முன்போல் பொலிவாய் முகிழ்ந்துழைக்க செய்தற்கே
ஒன்றிரண்டு மாதமாச்(சு) ஓர்!